انا احسن عضوة فى المنتدى .......حد عنده مانع

انا احسن عضوة فى المنتدى
حد عندة اعترررررررراض
اللى عندة يقوووول !!!!!!!
مممممممم ايوة كدة انا بحسب
طبعا كلكوا مستغربين الموضوع منكم اللى "قال اية الغرور دة" ومنكم اللى قال "مين دى اللى بتقول انها احسن عضوة طيب حد تانى يقولها"عااااااادى اللى نفسه فى حاجة يقولها انا واثقة من نفسى
لية ما بقاش انا احسن عضوة فى المنتدى
اييييييييييييييييييييييييييييييييييييييييييييه مانفعش
ليه مثقفة وطالبة جامعية والحمد لله متدينة
ده غير انى بحب المنتدى جدا جدا جدا جدا
ونفسى اعمل اى حاجة ويبقى احسن منتدى
دة كله ما يخلنيش انفع ابقى احسن عضوة بذمتكوا
طيب واللى بيقولوا "خلى حد تانى هو اللى يقولها"ليه وانا ما قولهاش لية انا بحب المنتدى ذيهم بالظبط ولو باستطاعتى اكتب موضوعات حلوة ذيهم والله ماكنت اتاخرت بس بحاول اعمل اية دى قدراتى
ليه دايما ان المفروض اللى تبقى احسن عضوة اللى كله بيحبها مع ان مثلا ممكن يكونوا بيحبوها لانها مشتركة من زمان او عدد مشاركاتها كتير او النيك نايم بتاعها مميز او الكل بيحبها فما ينفعش نبقى احنا اللى شاذيين عن القاعدة

طبعا كل عضواتنا هما عضوات مميزات وبنحبهم جدا
بس انا نفسى اعرف ليه العضوات الجداد ماينفعوش يبقوا احسن عضوات فى المنتدى ولو حد قالهم كدة يبقوا مستكترين على نفسه وما بيقدروش يندمجوا بسرعة فى المنتدى حتى لو كتبوا موضوعات رووووعة بردة بيفضلوا جداد حتى لو مرت فترة كبيرة على اشتراكهم ولو الكل رحبوا بيهم بردة بيفضلوا فى عزلةلانهم بيحسوا انا ممكن حد ما يتقبلش ارائهم وان العضوات اللى موجودين من زمان مجموعة مع بعضم ومهما حاولوا بس بردة دايما بيحسوا انهم لوحدهم وده طبعا بيوصلهم لثلاث حاجات:
1_انهم ما يكتبوش ولا مشاركة ولا حتى موضوع جديد غير بس مشاركات مدح فى الاعضاء ومحاولة كسب حبهم
2_انهم يكتبوا ويشاركوا ويحاولوا يثبتوا نفسهم بارائهم وبافكارهم بس بردة دايما بيحسوا انهم فى وادى والباقيين فى وادى تانى خالص
3_انهم لو مالقوش فائدة يبطلوا يدخلوا المتنتدى ودة طبعا ما ينفعش لاننا فعلا بنحبهم
ياترى ايه الحل
انا هوجه نداء لكل عضواتنا والنداء كالاتى:

يا عضوتنا الجداد انتوا احسن عضوات المنتدى ادخلوا واكتبوا وشاركواارائكم وتعليقاتكم وافكاركم ونقدكم البناءومشاركتكواهى اللى هتثبت وجودكوامش انكم تمدحوا الاعضاء وبس والمنتدى مش مجموعة ولا حاجة هو صحبة صالحة بيحبوا بعضهم ومستعدين لاستقبال اى اخت جديدة

ويا عضواتنا اللى من زمان انتوا احسن احسن عضوات المنتدى بتبدعونا بافكاركم الجامدة وموضوعاتكوا الجميلة جدا وياريت مش بس كلمات الترحيب تكون مجرد كلام عادى لا ياريت كلام من القلب وتحاولوا تحسسوا الجداد انهم فعلا اخوات ليكوا

يا كل العضوات ياريت نعمل كدة علشان منتدانا يبقى من احسن المنتديات

انا حبيت اكتب الموضوع دة علشان نبقى فعلا اخوات بنحب بعضنا مش مجرد كلام عادىواى راى فى الموضوع دة رايى بس


تنوية :انا مش احسن عضوة ولا حاجةكل عضوة فى المنتدى هى احسن عضوة فى المنتدى واحسن بنت فى الدنيا كلها